Бүгүн Ил Дархан Айсен Николаев каадыры аттаран туруорууга саҥа ыйаахтары таһаарда. Култуура миниистиринэн Юрий Куприянов ананна.
Юрий Куприянов Култуура уонна духуобунас сайдыытын миниистиринэн ананна. Кини бу иннинэ Ил Дархан уонна бырабыыталыстыба дьаһалтатын салайааччытынан, РФ бэрэсидьиэнигэр Саха сирин бэрэстэбиитэлинэн үлэлии сылдьыбыта.
Афанасий Владимиров Ил Дархан уонна бырабыыталыстыба дьаһалтатын Олохтоох салайыныы департаменын салайааччыта буолла. Афанасий Семенович эрдэ ыччат миниистиринэн үлэлии сылдьыбыта.
Евгений Федоров уонна Михаил Гасанбалаев Ил Дархан уонна бырабыыталыстыба дьаһалтатын салайааччытын солбуйааччы буоллулар. Санатан эттэххэ, бастакы солбуйааччынан Павел Иванов анаммыта. Кини бу иннинэ Дьокуускай куорат дьаһалтатыгар быраап департаменын салайан олорбута.
Николай Додохов уонна Яков Заровняев Экология, айылҕа баайын туһаныы, ойуур хаһаайыстыбатын миниистирин солбуйааччынан ананнылар.
Аграфена КУЗЬМИНА, edersaas.ru