Кулгааҕынан уонна хараҕынан инбэлиит дьон киинэ көрөр кыахтанна
«Лена» киинэ театрыгар истибэт уонна көрбөт дьоҥҥо анаан тифлокомментирование тэрилин туруордулар. Онон бүгүҥҥүттэн саҕалаан истибэт дьон субтитрдаах, оттон көрбөт дьон анал наушниктаах киинэни «көрөр» кыахтаннылар. Маннык тэрил Дьокуускайга билиҥҥитэ ханнык даҕаны киинэ театрыгар суоҕа. Тифлокомментированиелаах киинэлэри билигин «Дисней» хампаанньа оҥорор эбит.
«Сотору кэминэн, субтитры уонна киинэҕэ буола турар быһыыны-майгыны тылынан быһаарары киинэ оҥорон таһаарар хампаанньалартан барыларыттан ирдиэхтэрэ. Саҥа дьыл саҕана Арассыыйа киинэ оҥорооччуларыттан саҥа киинэлэр кэлиэхтээхтэр«, — диир «Лена» киинэ театрын дириэктэрин солбуйааччы Георгий Николаев.
Билигин тустаах дьон «Щелкунчик», «Ральф против интернета» уонна «Мэри Поппинс возвращается» киинэлэри көрүөхтэрин сөп.
edersaas.ru