Дьокуускайга А.Е.Кулаковскай аатынан норуоттар доҕордоһууларын дьиэтэ сыллата тэрээһин, күөн күрэс, аахсыйа арааһын тиһиктээхтик тэрийэн ыытар.
Тэрээһиннэрэ сыл ахсын киэҥ далааһыннанан иһэрэ уонна кыттааччытын ахсаана эмиэ элбиирэ бэлиэтэнэр. Норуоттар доҕордоһууларын дьиэтэ бу сырыыга дьону-сэргэни «А.Е.Кулаковскайы ааҕабыт» диэн онлайн-аахсыйаҕа кыттарга ыҥырар. Аахсыйаҕа кыттааччылар А.Е.Кулаковскай айымньыларыттан ааҕаллар. Ону видеороликка усталлар уонна кулун тутар 16 күнүгэр диэри Suraluma@bk.ru электроннай почтаҕа ыыталлар. Манна киирбит бастыҥ видеороликтар ddnykt.ru саайтыгар тахсыахтара диэн иһитиннэрэллэр. Онлайн аахсыйаҕа кыттааччыларга сааһынан хааччахтааһын суох.
+1
+1
+1
+1
+1
+1
+1