Коронавирус дьаҥа туран, ханна да дьаҥы тарҕаппат, бохсор үлэлэр ыытыллаллар. Элбэх буолан мустуу көҥүллэммэт. Онон сылы быһа дьон-сэргэ иһигэр манньыйа кэтэспит ыһыаҕа, аан бастакытын куйаар ситиминэн ыытыллар.
Бу ыһыах хайдах быһыылаахтык ыытылларый? Ону дьон-сэргэ хайдах көрөрүй? Ыһыахха хайдах кытталларый?
Сарсын, бэс ыйын 18 күнүгэр, күнүс 12 чаастан өрөспүүбүлүкэтээҕи ыһыах иитинэн ыытыллар тэрээһиннэргэ анаммыт пресс-кэмпириэнсийэҕэ, эмиэ ыраахтан олорон, куйаар ситимин нөҥүө кэпсэтиэхтэрэ, боппуруостары ырытыахтара. Бу туһунан СӨ Култуураҕа уонна духуобунай сайдыыга министиэристибэ пресс-киинэ иһитиннэрдэ.
Сарсыҥҥы пресс-кэмпириэнсийэҕэ СӨ Култуураҕа уонна духуобунай сайдыыга миниистирин бастакы солбуйааччы Владислав Левочкин, онлайн-тэрээһиннэри ыытыынан дьарыктанар култуура тэрилтэлэрин салайааччылара уонна исписэлиистэрэ кытталлар.
Хаартыска: YakutiaMedia.ru
+1
+1
+1
+1
+1
+1
+1