Коронавирус дьаҥын тарҕаппат, бохсор, хаптатар туһуттан, үлэ-хамнас куйаар ситиминэн тиһиктээхтик тэриллэр.
Күөн күрэстэр, кэмпириэнсийэлэр, араас тэрээһиннэр барыта итинник хайысханан ситиһиилээхтик ыытылла тураллар. Оҕолор сайыҥҥы сынньалаҥнарыгар лааҕырдар тэриллэллэр. Ол курдук СӨ физическэй култуураҕа уонна успуорка министиэристибэтэ уонна «Спортивнай эрэллэри бэлэмниир өрөспүүбүлүкэтээҕи киин» ГБТ куйаар ситиминэн сайыҥҥы лааҕырдарын үлэтин саҕалаабыттар. Эдэр спортсменнарга туһалаах уонна куттала суох сынньалаҥ диэн СӨ успуорка министиэристибэтин пресс-сулууспата иһитиннэрэр.
Оҕолор ыраахтан олорон сөбүлүүр көрүҥнэринэн дьарыктаналларыгар, сүбэ-ама ылалларыгар бары усулуобуйа тэриллибит. Сэргээбиттэр сиһилии тустаах министиэристибэ саайтыгар киирэн көрүөххүтүн сөп.
Хаартыска: mymsk.online
+1
+1
+1
+1
+1
+1
+1