Куйаар ситиминэн күөн күрэстэргэ кыттыҥ
Олох-дьаһах

Куйаар ситиминэн күөн күрэстэргэ кыттыҥ

Саргылаах Саҥа дьылы көрсө А.Е.Кулаковскай аатынан норуоттар доҕордоһууларын дьиэтэ күөн күрэстэри тэрийэр.

«Ёлочка с иголочки» 

Өрөспүүбүлүкэтээҕи куонкуруска оҕолор уруһуйдаан, тугу баҕарар оҥорон кыттыахтарын сөп. Күөн күрэс болдьоҕо сэтинньи 18 күнүттэн ахсынньы 18 күнүгэр диэри. Күрэскэ алтатыттан 17-гэр диэри саастаах оҕолор кытталлар.

Күрэстэһээччилэр Тымныы Оҕонньор уонна кыыл-сүөл аптаах араас дьиктилэрин харандааһынан, фломастерынан, кыраасканан уруһуйдаан, аппликациялаан ыытыахтарын сөп. Саҥа дьыллааҕы оҥоһуктарын араас матырыйаалтан (хортуон, фетр, кумааҕы, фоамиран уо.д.а.) толкуйдаан оҥороллоро көҥүл.

Куонкуруска кыттыан баҕалаахтар @ddn_konkurs киирэн көрүөххүтүн сөп, эбэтэр 89248687373 төлөпүөнтэн чопчулаһыҥ.

Аккырыыкката оҥоруҥ

Маны сэргэ, Тымныы оҕонньорго аккырыыкканы оҥорорго ыҥыраллар. Куонкуруска үлэлэргитин эмиэ ахсынньы 18 күнүгэр диэри ыытыаххытын сөп.
Саастарынан бөлөхтөр:
Кыра саастаах оҕолор бөлөхтөрө — 10 сааһыгар диэри.
Орто бөлөххө — 11 — 17 саастаах оҕолор кытталлар.
Оттон улахан дьоҥҥо 18 саастарыттан үөһээ кытталлар.
Кыттыылаахтарга сэртипикээттэр, кыайыылаахтарга дипломнар электроннай почтанан ыытыллаллар.
Бастыҥ үлэлэр А.Е.Кулаковскай аатынан норуоттар доҕордоһууларын дьиэтин 1 мэндиэмэнин фойетын киэргэтиэхтэрэ.
Күөн күрэскэ кыттааччылар үлэлэргитин semenov.suola@gmail.com аадырыска ыытаҕыт.
Сэргээбиттэр, сэҥээрбиттэр 89627393662 төлөпүөҥҥэ эрийэн ыйытыыларгытыгар хоруйдары ылыаххытын сөп.

Саҥа дьылы, саҥа сылы сэргэхтик, үөрэ-көтө көрсүөҕүҥ! 

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

пять + шестнадцать =