Куйаар ситимигэр — Өймөкөөҥҥө буолар Олоҥхо Ыһыаҕын бастакы тэрээһин мунньаҕа
Бүгүн Өймөкөөн улууһугар 2023 сылга ыытыллыахтаах Олоҥхо Ыһыаҕар бэлэмнэнии бастакы тэрээһин мунньаҕа куйаар ситиминэн буолла.
Тэрээһиҥҥэ улуус нэһилиэктэрин баһылыктара уонна улуус уопсастыбанньыктара кыттыыны ыллылар. Бастакы мунньахха суолталаах өрөспүүбүлүкэтээҕи ыһыах буолар сириттэн саҕалаан, ыалдьыттары көрсүүгэ тиийэ дьүүллэһии буолла.
СӨ Култуура уонна духуобунай сайдыы миниистирин бастакы солбуйааччы Владислав Левочкин бу күннэргэ тирээн турар боппуруостары быһаарарга сорудахтаан баран, Саҥа дьыл иннинэ өссө биирдэ мустан, чопчу быһаарсан баран, ким туохха эппиэттииринэн үлэни ыытар наадалааҕын бэлиэтээтэ.
Олоҥхо тыйаатырын дириэктэрэ Мария Турантаева Өймөкөөнүнэн “Халыма” федеральнай суола ааһарынан сибэстээн, бэрт элбэх ыалдьыт кэлэригэр суоттанарга болҕомтону туһаайда:
— Быһа холуйан 5 тыһыынча ыалдьыт кэлэригэр суоттаныҥ. Оннооҕор олох суола суох сиргэ, Дьааҥыга, Олоҥхо Ыһыаҕар аҥардас сөмөлүөтүнэн 1,5 тыһыынча киһи тиийбитэ.
Мунньаҕы сүрүннээччи улуустааҕы култуура управлениетын салайар Аксинья Сивцева 2023 сылга ыытыллыахтаах Олоҥхо Ыһыаҕын тосхолун (концепция) билиһиннэрдэ. Мунньах кыттыылаахтара бэйэлэрин санааларын атастастылар.
Елена ПОТОЦКАЯ,»Саха сирэ» хаһыат.