Өрөспүүбүлүкэ олохтоохторо уопсастыбаннай сирдэргэ киирэллэригэр аны быһыыны ылбыттарын, ыалдьан үтүөрбүттэрин, ПЦР-тестэрэ үчүгэйин туһунан көрдөрөллөрө ирдэммэт. Коронавирус дьаҥынан ыалдьыы намтаабытынан итиннэ сөп түбэһэр ис хоһоонноох ыйаахха кулун тутар 4 күнүгэр СӨ Ил Дархана Айсен Николаев илии баттаата.
Ол гынан баран, сабыылаах сирдэргэ тэрээһиннэргэ киирэргэ QR-куоду эбэтэр ПЦР-тест үчүгэйин туһунан көрдөрүү ирдэбилэ оннунан хаалла.
Саха сирин сүрүн санитарнай бырааһын этиитин учуоттаан уонна санитарнай-эпидемиологическай быһыы-майгы тупсан иһэринэн атын сымнатар миэрэлэр эмиэ ылылыннылар.
Кафеларга, остолобуойдарга, эрэстэрээннэргэ остуоллары ыраах-ыраах туруоруу, дьон толору сылдьыытын хааччахтааһын ирдэбилэ эмиэ тохтоото. Ол эрээри, коронавирус дьаҥын бохсууга Роспотребнадзор биэрбит сүбэлэрин-амаларын, ирдэбиллэрин тутуһуу билигин даҕаны салҕанар. Дьон-сэргэ мааскалаах сылдьыахтаахтар уонна бэйэлэрин икки ардыларыгар социальнай дистанцияны тутуһуохтаахтар.
Маны таһынан 500-тэн тахса киһилээх маассабай тэрээһини ыытар буоллахтарына, Роспотребнадзор Саха сиринээҕи управлениетыттан сөбүлэҥ ылыахтаахтар.
«О внесении изменений в Указ Главы Республики Саха (Якутия) от 28 февраля 2022 г. № 2314 «О режиме повышенной готовности на территории Республики Саха (Якутия) и мерах по обеспечению санитарно-эпидемиологического благополучия населения в Республике Саха (Якутия) в связи с распространением новой коронавирусной инфекции (COVID-19)» от 4 марта 2022 г. № 2321 Ыйаах тиэкиһин сиһилии манна көрүҥ.
+1
+1
+1
+1
+1
+1
+1