Уу ресурсаларын федеральнай агентствотын Өлүөнэ сүнньүнээҕи ууга управлениетын биэрбит чахчыларынан, ыам ыйын 17 күнүн сарсыарда 8 чаастааҕы туругунан Дьокуускай таһынан Өлүөнэ уутун таһыма икки чаас иһигэр 8 см түстэ. Уу таһыма 523 см тэҥнэһэр (кутталлаах таһым (827 см).
edersaas.ru
Өктөмҥө уу таһыма үрдүү турар, 549 см тиийдэ (кутталлаах таһым 480 см). ЯСИА саайтка, Хаҥалас улууһун баһылыгын бастакы солбуйааччы Федор Ноговицын иһитиннэрбитинэн, «Умнас» өрөспүүбүлүкэтээҕи таһымнаах суол аһаҕас. Оттон Төхтүр – Өктөм муниципальнай суол уу ылбыт учаастагар ГАИ иниспиэктэрдэрэ хонтуруоллууллар. Тулагынан муус турар. Оттон Кангалаһынан уу таһыма икки чаас иһигэр 32 см намтаата. Уу таһыма 827 см (кутталлаах таһым 1000 см). Муус сэдэхтик устар. Арыы Тиит, Үөдэй, Партизан таһынан муус хойуутук устар.
Биһ. корр., edersaas.ru