Өктөм-Төхтүр икки ардынааҕы «Умнас» массыына суолун өрөмүөнэ бүтэн эрэр

Өктөм-Төхтүр икки ардынааҕы «Умнас» массыына суолун өрөмүөнэ бүтэн эрэр. Бу туһунан, Хаҥалас улууһун баһылыга Олег Иринеев СИА кэпсээтэ:

 —“Автодор” инвестиционнай хампаанньаны кытары суолу өрөмүөннүүргэ сөбүлэҥ бу сыл кулун тутар ыйыгар түһэрсиллибитэ. Бүгүҥҥү туругунан, аспаалы ууруу бүттэ, суол эниэлэрин уонна бэлиэлэрин оҥоро сылдьаллар. Өрөмүөнү алтынньы бүтүүтүгэр туттарыахтара.

Бырайыакка суолу кэҥэтии, биэс турбаны уларытыы былааннаммыта. Ону таһынан, суол саҥа «таҥаһын” уурууга аныгы ньыманы тутуннулар.

“2020-2024 сылларга СӨ  суолун тупсарыы” бырагырааматынан уонна “Куттала суох хаачыстыбалаах суоллар” национальнай бырайыагынан,  Хаҥалас улууһугар быйыл отуттан тахса килэмиэтирдээх суол оҥоһуллуоҕа.

СИА саайтыттан.