Балаҕан ыйын 27 күнүгэр, Саха сирин уһулуччулаах дьонун пааматынньыктарыгар сибэкки дьөрбөтүн уурар үтүө үгэс баар.
Бүгүн, СӨ Судаарыстыбаннаһын күнүгэр, Дьокуускай куоракка Доҕордоһуу болуоссатыгар, саха норуотун тумус туттар ытык киһитэ Алексей Елисеевич Кулаковскай пааматынньыгар, СӨ Бырабыыталыстыбатын Бэрэссэдээтэлин солбуйааччы э.т. Сергей Местников сибэкки уурда.
Алексей Кулаковскай — Өксөкүлээх Өлөксөй саха литературатын төрүттээччи, бэйиэт, олоҕун бүтүннүү саха тылын, фольклорун, итэҕэлин үөрэтиигэ анаабыт, саха норуотун тумус туттар ытык киһитэ. Кини инникини өтө көрөн саха бас-көс дьонугар анаан суруйбут суруга билигин даҕаны сирдиир сүдү күүстээх.
Пааматынньыкка СӨ Бырабыыталыстыбатын чилиэннэрэ, норуот дьокутааттара, Дьокуускай куорат дьаһалтатын салалтата, тэрилтэлэр салайааччылара сибэкки уурдулар.
Егор Карпов, «Саха сирэ» хаһыат, edersaas.ru