Бүгүн, кулун тутар 18 күнүгэр, киэһэ 17 чаастан Өксөкүлээх Өлөксөй аатынан Норуоттар доҕордоһууларын дьиэтигэр «Ыллаа-туой, тыам сирэ!» диэн хаһыс да сылын ыытыллар ырыа, көр-күлүү, үҥкүү дьоро киэһэтэ буолуоҕа.
edersaas.ru
Өрөспүүбүлүкэ араас улуустарыттан тыа сирин кулууптарын бастыҥ кэлэктииптэрэ бу киэһэ киин куорат олохтоохторугар уонна ыалдььыттарыгар көр-күлүү бастыҥын оройуттан тутан, быара суох ытыаххытыгар диэри күллэрэн, сүргэҕитин көтөҕөн,
ырыа эриэккэһин ыллаан, үҥкүү үлүскэнигэр тэҥҥэ кулахачытыахтара,
Ахтылҕаннаах алааскытын санатан, норуоттан тахсыбыт талааннар эһиэхэ сааскы бырааһынньыгы бэлэхтиэхтэрэ.
Ыраах Эдьигээнтэн аатттаах-суоллаах «Осиктакан» ырыа-үҥкүү народнай ансаамбыла уонна «Аяралдын» вокальнай бөлөх,
ырыаһыт ымыыта, үҥкүүһүт үтүөтэ, хоһоонньут хоһууна, тойуктаах туйгуна, артыыс ааттааҕа, талааннаах талбата Мэҥэ Хаҥалас улууһун оройуоннааҕы балыыһа кэлэктиибин курдук айар куттаах дьон эһигини соһутуохтара уонна үөрдүөхтэрэ.
Онон, тыа сирин кулуубун кэнсэрин суохтуур дьон, ахтылҕаҥҥытын таһааран, дойдугут мүөттээх салгынын дууһаҕытыгар иҥэриниҥ, өрөбүлгүтүгэр култуурунайдык сынньаныҥ!
Елена ПОТОЦКАЯ, «Саха сирэ» хаһыат, edersaas.ru
Хаартыска — Өксөкүлээх Өлөксөй аатынан Норуоттар доҕордоһууларын дьиэтин архыыбыттан.