Криштиану Роналду доруобуйатын туругуттан быраастар сөхтүлэр

Португалия футболиһа Криштиану Роналду “Ювентус” кулуупка медицинэ чинчийиитин ааста. Ол түмүгэ быраастары сөхтөрдө.

Кулууп сайтыгар этиллибитинэн, 33 саастаах футболист доруобуйатын туруга 20-лээх уол киэнин курдук үһү. Киһи этигэр-хааныгар баар сыа орто көрдөрүүтэ 10-11%-ҥа тэҥнэһэр буоллаҕына, киниэнэ 7% эбит. Роналду этин-сиинин 50%-на былчыҥ эбит, бу нуорматтан 4%-нан элбэх.

Соторутааҕыта Москваҕа түмүктэммит футболга аан дойду чөмпүйэнээтигэр Криштиану уопсайа 34 км сүүрбүт. Бу турнир кыттыылаахтарын ортотугар бастыҥ көрдөрүү.

Санатан эттэххэ, от ыйын 16 күнүгэр “Ювентус” кулууп «Альянц Стадиумугар» саҥа оонньооччуну Криштиану Роналду билиһиннэрии үөрүүлээх сиэрэ-туома буолбута. “Реал” кулууп форварда “Ювентуска” көһөрүн туһунан от ыйын 10 күнүгэр иһитиннэрбиттэрэ.

Италия А сериятыгар Криштиану Роналду “Ювентус” састаабыгар аан бастаан футбол хонуутугар атырдьах ыйын 12 күнүгэр тахсыаҕа.

Роман ПОПОВ, «Саха сирэ» хаһыат, edersaas.ru