Бэлиитикэ Сүрүн

Креативнай индустрия сайдыыны кэрэһэлиир

Ил Дархан сэтинньи ый түмүгүн таһаарыытыгар инновационнай IT-хампаанньалар бастыҥ үлэлэрин уопутун билсэ  РФ Бэрэсэдьиэнин Уһук Илиҥҥэ боломуочуйалаах бэрэстэбиитэлэ Юрий Трутнев уонна Арктика сайдыытын миниистирэ Алексей Чекунков кэлэн барыыларын бэлиэтээтэ. 

— Саха сирэ ыраах сытар эрэгийиэн аан дойдутааҕы таһымҥа тиийэ IT-хампаанньаҕа ситиһиитин  уопутун тарҕатар кыахтаах. Бу салааҕа биһиги түһүмэҕинэн сайдабыт. 10 сыл анараа өттүгэр «Якутия» технопаарканы тэрийбиппит, онтон IT-паарканы сайыннаран баран, аны эһиил муус устарга 13 тыһ. кв м иэннээх креативнай кылаастары тутан үлэҕэ киллэриэхпит.  РФ Бэрэсэдьиэнин Уһук Илин Федеральнай уокуругун бэрэстэбиитэлэ Юрий Трутнев өйөбүлүнэн дойду бырабыыталыстыбата 412 мөл. солк. бу бырайыагы олоххо киллэриигэ анаан көрдө. Уопсайа креативнай кластеры тупсарыыга 900 мөл. солк. көрүллүөҕэ, — диэн бэлиэтээтэ  Айсен Николаев.

Ил Дархан «аны биотехнологическай кластеры тутуохпут» диэн эттэ. Маннык толкуйга саха учуонайдарын сөҕүмэр ситиһиилэрэ тиэртэ.

 

Елена ПОТОЦКАЯ, “Саха сирэ” хаһыат, edersaas.ru

 

Хаартыска — Мария Васильева, СИА.

0
0