Красноярскай кыраайтан 80 ынаҕы Чурапчыга аҕаллылар

22.10.2020
Бөлөххө киир:

 Красноярскай кыраайтан 80 ынаҕы Чурапчы улууһун «Мындаҕаайы» ТХПК-гар аҕаллылар. Сүөһүлэр анал бэлэмнэммит сиргэ биир ыйдаах харантыыҥҥа киирдилэр.

edersaas.ru

Бу сыл «Мындаҕаайы» кэпэрэтиип СӨ Тыатын хаһаайыстыбатын министиэристибэтиттэн кыра саастаах боруода сүөһүлэри атыылаһарга көмө харчыны ылбыта. Санатар буоллахха, быйыл бу бырагырааманан биэс атын хаһаайыстыбалар (Ленскэй, Амма, Нам, Уус Алдан улуустара уонна Дьокуускай куорат) Башкортостан уонна Татарстан өрөспүүбүлүкэлэриттэн, Архангельскай уонна Смоленскай уобаластартан уопсайа 340 ынах сүөһүнү ылбыттара. Билиҥҥи туругунан, уопсайа 520  төбө ыллылларыгар 70 мөлүйүөн солкуобай субсидия туһалынна.

Маннык уопут тыа хаһаайыстыбатын оҥорон таһаарыытын биллэрдик сайыннарда диэн исписэлиистэр сыаналыыллар.

«Мындаҕаайы» тыа хаһаайыстыбатын кэпэрэтиибэ 2015 сылтан үлэлиир. Бу кэм тухары тэрилтэ өрөспүүбүлүкэ бастыҥ кэпэрэтииптэригэр киирбитэ.  Билиҥҥи туругунан, хаһаайыстыба 431 төбөлөөх, онтон 180-а ыанар ынах. Эрдэ сүөһүлэри  Хакасияттан аҕалбыттар эбит.

СӨ Тыатын хаһаайыстыбатын пресс-сулууспата. 

+1
0
+1
0
+1
0
+1
0
+1
0
+1
0
+1
0