Бүгүн, сэтинньи 12 күнүгэр, сарсыарда эрдэ Саха сирин буоксаҕа сүүмэрдэммит хамаандата Талбан Егоров, Николай Григорьев, Михаил Варламов уонна Айаал Степанов тириэньэрдэрин Владимир Павловы кытта Краснодарга эрчиллэр сборга көттүлэр диэн «Спорт Якутии» саайт иһитиннэрэр.
Хамаанда хапытаана Василий Егоров уонна Михаил Прокопьев номнуо Краснодарга бааллар.
Арассыыйа чөмпүйэнээтигэр Саха сириттэн уон боксер кыттыаҕа. Ол курдук, Саха сирин аатыттан Талбан Егоров, Николай Григорьев, Михаил Варламов, Айаал Степанов уонна Виталий Стручков, Москва аатыттан Борис Сидоров уонна Назар Андреев кытталлар. Оттон Евгений Мартынов Санкт-Петербург, Михаил Прокопьев Краснодарскай кыраай аатыттан буоксалыахтара. Василий Егоров Саха сирин уонна Московскай уобалас аатыттан күрэхтэһиигэ кыттыаҕа.
Чөмпүйэнээт Оренбург куоракка сэтинньи 28 күнүттэн ахсынньы 6 күнүгэр диэри ыытыллыаҕа.
edersaas.ru
+1
+1
+1
+1
+1
+1
+1