“Ковид-19” ыарыыны эмтээһин болдьоҕо 7 сууккаҕа диэри кылгаата. СӨ доруобуйа харыстабылын министиэристибэтэ иһитиннэрбитинэн, олунньу 6 күнүттэн коронавируснай инфекцияны эмтээһин санитарнай быраабылалара уларыйдылар.
Ол чэрчитинэн, олунньу 6 күнүн кэнниттэн коронавирустаах ыарыһахтары кытта хантаактаспыт дьон бэйэни хааччахтаныы эрэсиимигэр (самоизоляция) барыылара булгуччулаах буолбат буолла. Ону тэҥэ, анаалыһа бигэргэммит эрээри, ыалдьыы сибикитэ биллибэт дьону эмтээһин болдьоҕо 7 күҥҥэ диэри кылгыыр. Урут бу болдьох барыларыгар 14 суукка диэн этэ. Пациент поликлиникаҕа барбакка да эрэ, онлайн көрүҥүнэн “больничнай лииһи” астарыан-саптарыан сөп.
Тумуу, эбэтэр «ковид» сибикилэрэ баар буоллахтарына, 122 нүөмэргэ, эбэтэр, поликлиникалар колл-кииннэригэр эрийиэххэ сөп. Ону тэҥэ, олунньу 7 күнүттэн быраас аудио-консультациятын ылыахха сөп: https://eln.mzsakha.ru.
Ангелина Васильева, “Саха сирэ” хаһыат, edersaas.ru