Коронавирунай инфекцияны бохсор өрөспүүбүлүкэтээҕи суһал ыстаап иһитиннэрбитинэн, ааспыт сууккаҕа 68 киһи үтүөрбүт. 39 киһи саҥа ыалдьыбыта биллибит, 16 киһи балыыһаҕа киирбит.
Ыалдьыбыт дьонтон Дьокуускай куоракка — 48,7%, улуустарга — 51,3% киһи баар. Бэс ыйын 17 күнүнээҕи туругунан, балыыһаҕа 29%-ра эмтэнэр, дьиэлэригэр – 71%.
Суукка иһигэр 1958 анаалыс, пандемия саҕаланыаҕыттан барыта — 2 351 775 анаалыс оҥоһуллубут.
“Ковидтан” быһыыны 633 161 киһи ылбыт, ол улахан дьон 88,3%-гар тэҥнэһэр. Ревакцинацияны 166 257 киһи барбыт, ол быһыыны хос ыларга болдьохторо кэлбит дьон 66,3%-гар тэҥнэһэр.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru.
+1
+1
+1
+1
+1
+1
+1