Доруобуйа Маны аах

“Ковидка” аналлаах нүөмэр баар буолла

Эпидемиологическай балаһыанньанан сибээстээн, коронавируснай инфекцияны утары охсуһарга нэһилиэнньэҕэ анаан Биир кэлим информационнай-ыйытык сулууспата тэрилиннэ. Төлөпүөн нүөмэрэ – 122.

Бу сулууспа күнүстэри-түүннэри үлэлиир. Суотабай төлөпүөнтэн эрийии босхо. Эрийдэххэ, аптамаат куолаһа иһиллэр, кини этэрин толорон истэххэ, доруобуйа харыстабылыгар, социальнай көмүскэлгэ, психолог, эбэтэр волонтер көмөтүн ылыахха сөп.

Бу маннык өҥөлөр бааллар:

  • “1” кунуопканы баттаатахха — 3 №-дээх Дьокуускай куораттааҕы балыыһа Call-киинин кытары холбоноҕун.
  • “2” диэн кунуопканы баттаатахха — социальнай көмүскэл боппуруостарыгар эппиэттиир операторга тиийэҕин.
  • “3” кунуопканы баттаатахха – волонтерскай, эбэтэр психологическай өйөбүл боппуруостарынан операторы кытары холбоноҕун.
  • “4” кунуопканы баттаатахха – доруобуйа харыстабылын, ол иһигэр “ковидка” сыһыаннаах боппуруостарынан Call-кииҥҥэ тиийэҕин.

 

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20