Коронавируснай инфекцияҕа “антитела” баар буоллаҕына, сэртипикээти хайдах ылыахха сөбүй? 2022 сыл олунньу 21 күнүттэн ыла маннык сэртипикээти ылар көҥүллэммитэ (РФ доруобуйа харыстабылын министиэристибэтин 58-н №-дээх бирикээһинэн).
Анаалыска IgG “антитела” баара бигэргэммит буоллаҕына, сэртипикээт “Госуслуги” порталга оҥоһуллар. Сэртипикээт болдьоҕо – 6 ый (лабораторияҕа анаалыс оҥоһуллубут күнүттэн).
Сэртипикээти оҥорторого:
1. Лабораторияҕа баран, IgG “антителаҕа” анаалыс туттараҕыт. Бу лаборатория “Госуслуги” порталга анаалыс түмүгүн ыытар бырааптааҕын чуолкайдыыгыт.
2. “Госуслуги” порталга учуот суруга (учетная запись) баарын-суоҕун уонна “Документы” салааҕа пааспар, СНИЛС дааннайдара сөптөөхтөрүн бэрэбиэркэлиигит.
3. Порталга анаалыс түмүгэ кэлбитин кэннэ, “Сформировать сертификат” диэни баттыыгыт. Анаалыс түмүгэ 3 күн иһинэн кэлиэхтээх.
Болҕойуҥ!
Анаалыс түмүгүнэн сэртипикээти биирдэ эрэ ылыллар.
Урут быһыыны ылан баран, эбэтэр, “ковидынан” ыалдьан баран “куйаар-куод” ылбыт буоллаххытына, “антитела” түмүгүнэн сэртипикээт бэриллибэт.
Ангелина Васильева, “Саха сирэ” хаһыат, edersaas.ru