Доруобуйа Уопсастыба

«Ковид» сэртипикээтин 1 сылга диэри уһаттылар

«Ковидынан” ыалдьыбыт дьон сэртипикээттэрин сылга диэри уһаттылар. Ол туһунан РФ доруобуйаҕа харыстабылын министиэристибэтэ быһаарыыны ылынна.

Онон сэртипикээт болдьоҕо үтүөрбүт күнүттэн ааҕыллан, 12 ыйга диэри уһаан биэрэр. Бу иннинэ сэртипикээт болдьоҕо 6 ыйга диэри этэ. Бу иннинэ ыалдьан үтүөрбүт дьон (1 сыллара туола илик буоллаҕына) сэртипикээттэрэ эмиэ уһуур, анаан тугу да гынар ирдэммэт.

Доруобуйа харыстабылын миниистирэ Михаил Мурашко этэринэн, маннык быһаарыыны коронавируһунан иккистээн ыалдьыы таһыма намтаабытынан сибээстээн, ылыммыттар. Ол эбэтэр, ыалдьыбыт кэннэ, “антитела” таһыма үрдүк буолан, сыл иһигэр иккистээн ыалдьыы аҕыйах (0,74 бырыһыан эрэ).

Онон, коронавируһунан ыалдьан үтүөрбүт дьоҥҥо «куйаар-кодтарын» болдьоҕо эмиэ 1 сылга диэри уһаан биэрэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0