Швеция уонна Италия учуонайдара коронавируснай инфекция кэнниттэн иммунитет төһө өр бу ыарыыны утары үлэлиирин чинчийдилэр. Учуонайдар ыстатыйалара bioRxiv.org. Мэдиссиинэ саайтыгар таҕыста.
Кинилэр ковидынан ыалдьан үтүөрбүт 136 киһини чинчийбиттэр. Хааннарын плазматыгар анти-S уонна анти-RBD антитела титрдарын бэрэбиэркэлээбиттэр. Бастаан S-белокка IgM уонна IgA иммуноглобулиннар таһымнара 88% уонна 90% эбит. 50 күн иһинэн икки төгүл кыччаабыт. 6 ыйынан түөрт төгүл намтаабыт. Бу кэнниттэн ковидынан ыараханнык ыалдьыбыт дьоҥҥо антитела ордук өр сылдьар эбит.
Ону тэҥэ, учуонайдар антитела коронавирус араас штаммнарыгар төһө көдьүүстээхтэрин чинчийбиттэр. Үөскээбит антитела вирус дьүһүн кубулуйуутун кытта 15 ый да кэнниттэн охсуһаллар эбит эрээри, мөлтөхтүк.
Арассыыйаҕа “Спутник Лайт” коронавирус саҥа “Дельта” штаммын утары көдьүүһэ үс ый иһигэр 70% диэн суруйаллар.
Ангелина Васильева, “Саха сирэ” хаһыат, edersaas.ru