Доруобуйа

Ковид дьаҥа тарҕаныытын утары ситиһиилээхтик үлэлиир эрэгийиэннэргэ граннар олохтонуохтара

Ковид дьаҥа тарҕаныытын утары ситиһиилээхтик туруулаһар эрэгийиэннэр доруобуйа харыстабылын тиһигин сайдыытыгар анал граннары ылыахтарын сөп. Маннык быраабылаҕа Бырабыыталыстыба Бэрэссэдээтэлэ Михаил Мишустин илии баттаата.

Бастыҥнары куонкурус түмүгүнэн сүүмэрдиэхтэрэ. Куонкурус кыайыылаахтарын ахсаанын уонна грант кээмэйин хас биирдии эрэгийиэҥҥэ коронавирус инфекциятын тарҕаныытын сэрэтэр суһал ыстаап олохтуоҕа.

“Маннык өйөбүлгэ Арассыыйа Федерациятын субъектарыгар 5 млрд солкуобай кэриҥэ көрүлүннэ”, — диэн иһитиннэрдэ Михаил Мишустин алтынньы 12 күнүгэр ыытыллыбыт сүрүннүүр сэбиэт мунньаҕар.

Сүүмэрдээһиҥҥэ Роспотребнадзор оҥорор кэккэ ирдэбиллэригэр сөп түбэһэр сирдэр-уоттар кыттыахтара. Олор истэригэр – ковид дьаҥын көрдөрүүтэ, эрэгийиэн олохтоохторун ПЦР-тиэһинэн хааччыйыы, быһыы бастакы компоненын ылыы ахсаанынан.

Куонкуруһу сэтинньи ыйга ыытыахтара. Бу туһунан сибидиэнньэ Роспотребнадзор дьиҥ таһымнаах саайтыгар тахсыаҕа.

РФ Бырабыыталыстыбатын саайта

Бэлэмнээтэ Женни Стрюкова

Хаартыска: интэриниэт

0
0