Ахсынньыттан коронавируска вакцинаны биэрии саҕаланыа диэн өрөспүүбүлүкэтээҕи суһал ыстаап салайааччытын солбуйааччы Ольга Балабкина брифиҥҥэ иһитиннэрдэ.
edersaas.ru
— Билигин мэдиссиинэ тэрилтэлэригэр коронавирустан вакцинаны биэриигэ бэлэмнэнии соруга турар. Вакцинация ахсынньыттан саҕаланыа. Быһыыны дьон баҕа өттүнэн сөбүлэһэн ылар, аан бастаан сыстар кутталга сылдьар үлэһиттэр: миэдиктэр, социальнай тэрилтэлэр үлэһиттэрэ, о.д.а. ылыахтара. Хас киһи ылара төһө кээмэйинэн кэлэриттэн тутулуктаах, — диэн Ольга Балабкина эттэ.
Ону тэҥэ, сотору кэминэн Саҥа дьыл бырааһынньыктара саҕаланыахтара. Онуоха бырабыыталыстыба бэрэссэдээтэлин солбуйааччы ыарыыга сыстыспат курдук дьаһанан, сэрэхтээхтик бырааһынньыктыырга ыҥырда.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1