Гамалея аатынан эпидемиология уонна микробиология научнай-чинчийэр киинэ уонна Оборуона министиэристибэтин 48-с №-дээх научнай-чинчийэр института, коронавирус инфекциятыттан вакцинаны эбисийээнэлэргэ уонна кутуйахтарга биэрэн, боруобалаан көрбүттэр. Бу туһунан “Красная знамя” хаһыакка институту салайар Сергей Борисевич кэпсээбит.
edersaas.ru
Кини чинчийии бу түһүмэҕэ “эмп куттала суоҕун уонна ыарыыны утарылаһарга көмөлөөҕүн” көрдөрбүтүн бэлиэтиир. Бу иннинэ, Оборуона министиэристибэтэ вакцинаны чинчийиигэ, баҕа өттүлэринэн кыттааччылары сулууспалыыр дьон ортолоруттан талбытын туһунан иһитиннэрбитэ. Борисевич этэринэн, тылламмыт дьон 25-50 саастаах прапорщиктар, аппыһыардар, хантараагынан сулууспалыы сылдьар, барыта 50 киһи. Кинилэр ортолоругар 5 дьахтар баар. Бары эҥкилэ суох үчүгэй дорубуйалаахтар, куһаҕан дьаллыга суохтар.
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1