Коронавируһу утары муннуга ыстарыллар эми айдылар. Арассыыйатааҕы федеральнай медицинскэй-биологическай ааҕыныстыба “МИР-19” диэн эмкэ патент ылыллыбытын туһунан иһитиннэрдэ.
“МИР” диэн “малая интерферирующая РНК” диэн этииттэн кылгатыллыбыт эбит. SARS-CoV-2 вируһу утары үлэлиир. Күөмэйгэ, эбэтэр муннуга ыстарыахха сөп. Бу эмп Арассыыйатааҕы федеральнай медицинскэй-биологическай ааҕыныстыба салайааччыта Вероника Скворцова сорудаҕынан оҥоһуллубут уонна кыылларга бэрэбиэркэни ааспыт. Чинчийии иккис түһүмэҕэр 50 киһи тылланан, кыттыспыт. Бу түһүмэххэ дьоҥҥо буортута суоҕа көстүбүт.
Вероника Скворцова этэринэн, коронавируснай инфекция ыарахан да көрүҥүн эмтиир кыахтаах үһү.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1