Коронавирустан эмсэҕэлээбиттэргэ — кирэдьиит төлүүргэ каникул биллэрилиннэ

Бөлөххө киир:

Коронавирустан сылтаан, ипотекаларын сатаан төлөөбөт дьон 2019 сыл от ыйын 31 күнүгэр тахсыбыт «ипотечнай каникул» туһунан сокуоҥҥа олоҕуран, сыл аҥаарыгар диэри кирэдьиит төлөбүрүттэн босхолонуохтарын сөп. Өскөтүн материальнай балаһыанньалара мөлтөөбүтүн дакаастаатахтарына.

edersaas.ru

Коронавирустан үп-харчы өттүнэн эмсэҕэлээбит уонна ыалдьыбыт дьон кирэдьииттэрин уонна ол бырыһыанын кэлин төлүөхтэрин сөп. ВТБ баан кинилэргэ кирэдьиит төлүүргэ каникул биллэрдэ.

Баан үс ыйга диэри иэстэрин  төлүүр болдьохторун уһатан биэриэн син. https://www.rbc.ru/finances/23/03/2020/5e785e119a794711148cc07e.  Ол туһунан РБК иһитиннэрэр.

Атын дойдулары ылан көрдөххө, Чехия, Швеция, Великобритания, Италия бааннара кирэдьиит төлүүргэ каникул киллэрдилэр. Испанияҕа уонна Францияҕа кыаммат дьон ОДьКХ өҥөтүн быстах кэмҥэ төлөөбөттөрө көҥүллэннэ. Коронавирус пандемиятыттан дохуоттарын сүтэрбит дьон Казахстаҥҥа үс ыйга диэри кирэдьиит төлөбүрүттэн босхолонуохтара.

Оттон Арассыыйаҕа солкуобай сыаната түһэн, ипотека кирэдьиитин бырыһыанын ыстаапката эмиэ үрдээн эрэр. Кулун тутар 20 күнүгэр Киин Баан сүрүн ыстаапката 6% этэ, оттон АХШ 0%, Великобритания 0,25% диэри түһэрбитэ. Ол аата ити дойдуларга кирэдьиит бырыһыана Арассыыйа бааннарын кытта холоотоххо, быдан кыра.

Хаартыска Sv-rus.ru

«Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0