Саха сиригэр кэнники хонукка коронавирустан 98 киһи үтүөрдэ.
Ол эрээри, кэнники хонукка ыалдьыбыт дьон ахсаана 128 тиийбит. Бу ыалдьыбыт дьонтон 10 киһи балыыһаҕа киирбит. Ыалдьыбыт дьон 57,8% Дьокуускайга, 42,2% улуустарга бэлиэтэммит.
Бүгүн, атырдьах ыйын 3 күнүнээҕи туругунан, балыыһаларга уопсайа 7,8% киһи эмтэнэр, тастан – 92,2%.
Өрөспүүбүлүкэ лабораторияларыгар кэнники хонукка 2 919 анаалыс, пандемия саҕаланыаҕыттан 2 418 693 тест бэрэбиэркэлэммит.
Коронавируһу утары быһыы бастакы компоненын 642 527 киһи ылбыт, 169 747 киһи ревакцинацияламмыт.
Өрөспүүбүлүкэтээҕи суһал ыстаап иһитиннэрбитинэн, «122» нүөмэргэ кэнники хонукка 908 төлөпүөннээбиттэр. Маны таһынан доруобуйа харыстабылын «суһал лиинийэтигэр» 117 киһи эрийбитэ бэлиэтэммит.
+1
+1
+1
+1
+1
+1
+1