Кыһын ыарыы туруга өссө үөрэтиллэ илик буолан, бу кэмҥэ дьаҥтан харыстаныыны өссө күүһүрдүөххэ наада диэн Арассыыйа үтүөлээх бырааһа Александр Карабиненко кэпсээбитин iz.ru саайт иһитиннэрэр.
Кини этэринэн, кыһынын мэдиссиинискэй маасканы уонна бэрчээккэни кэтэ сылдьыахтаахпыт.
«Мааска атын дьон сөтөлүттэн, ытырдыытыттан харыстыыр. Тымныыны тымныы диэбэккэ, маасканы эрдэ кэтэ сылдьыбыппыт курдук кэтиэххэ наада. Кыһынын маасканы кэтэр, биир өттүнэн, өссө туһалаах, киһи тоҥмот», — диэн Карабиненко Sputnik араадьыйаҕа эпиир кэмигэр эттэ.
Саҥа дьаҥ кыһыҥҥы кэмҥэ өссө үөрэтиллэ илик буолан, бу кэмҥэ төһө дьайыылаах буолара биллибэт диэн быраас этэр. Баҕар, кириип дьаҥын курдук өссө күүһүрэн туруон сөбүн сэрэттэ. Маны сэргэ вирустан саамай бастыҥ харыстанар ньыманан вакцинация буоларын туһунан иһитиннэрдэ.
edersaas.ru
+1
+1
+1
+1
+1
+1
+1