Коронавирус дьаҥын иккис долгуна өрө турда. Бу ыарыы ордук аҕам саастаах дьоммутугар сэрэхтээх.
Дьаҥ кинилэр доруобуйаларын эмсэҕэлэтэр, иммунитеттарын мөлтөтөр. Уустук кэмҥэ харыстаныы эрэ көмөлөһөр.
Судургу быраабылалары тутуһуу дьаҥҥа сыстыыны аччатыан сөп:
— элбэх дьон тоҕуоруһар сиригэр сылдьары аҕыйатыы, уопсастыбаннай тырааныспарынан айаннааһыны тохтотуу;
— элбэх дьонноох сиргэ, маҕаһыыннарга сылдьарга мааскалаах, бэрчээккэлээх сылдьыҥ;
— наадаҕытын, кыра кыһалҕалары, бородууктаны аҕалтарыыны чугас дьоҥҥутуттан көрдөһүҥ;
— тастан кэлэн баран илиини мыылалаан кичэйэн суунуҥ, кирдээх илиигитинэн сирэйгитин тыытымаҥ;
— сөтөллөр, ытырдар буоллаххытыа, салфетканан айаҕы бүөлэниҥ;
— ыалдьыы сибикитэ баар буоллаҕына, тута суһал көмөнү ыҥырыҥ.
Роспотребнадзор уонна стопкоронавирус.рф портал 60 сааһын ааспыт дьон дьаҥтан хайдах харыстаныахтарын сөбүн туһунан видеоролик бэлэмнээтилэр.
Ульяна Захарова, «Саха сирэ» хаһыат, edersaas.ru
Хаартыска — admrad.ru саайтан.