Саха сиригэр ааспыт сууккаҕа коронавирус дьаҥыттан 105 киһи үтүөрдэ. Эрэгийиэннээҕи суһал ыстаап иһитиннэрбитинэн, дьаҥ туруоҕуттан 3674 киһи үтүөрбүт.
Ол курдук, Дьокуускайга 88 киһи, Мэҥэ Хаҥаласка 7 киһи, Уус Алдаҥҥа 4 киһи, Нерюнгрига 3 киһи, Үөһээ Халымаҕа 2 киһи, Алдаҥҥа 1 киһи үтүөрдэ.
Оттон 48 киһи дьаҥҥа сутулунна: 36 киһи Дьокуускайга, 3 киһи Мииринэйгэ, иккилии киһи Алдаҥҥа, Аммаҕа, Дьааҥыга, Чурапчыга уонна биир киһи Бүлүүгэ. Ыарыһахтары кытта хантаактаахтар бары быһаарыллыбыттара, хааччахтаммыттара.
Өрөспүүбүлүкэҕэ коронавирус дьаҥа тарҕаныаҕыттан уопсайа 4 315 киһи сутуллубут. Онтон 3 392 киһи — Дьокуускай олохтооҕо.
Ульяна Захарова, edersaas.ru
+1
+1
+1
+1
+1
+1
+1