Коронавирустаабыттары эмтииргэ өрөспүүбүлүкэҕэ барыта 1115 куойка баар

СӨ Бырабыыталыстыбатын бэрэссэдээтэлин солбуйааччы Ольга Балабкина бүгүҥҥү, ыам ыйын 12 күнүнээҕи брифиҥҥэ, сууккаҕа 55 киһи коронавирус дьаҥар хаптарбытын эттэ.

— Саха сиригэр бүгүҥҥү күн чахчытынан барыта 606 киһи коронавируһунан  ыалдьыбыта бэлиэтэнэр, — диэтэ кини. Итиэннэ өрөспүүбүлүкэҕэ дьаҥҥа хаптарбыттары эмтииргэ  инфекционнай куойкалары 1115 диэри элбэппиттэрин, итинтэн 500 куойка Дьокуускайга буоларын эттэ. Куойкалар эбиллиилэрэ уустугурбут балаһыанньаны сымнаппытын, ыарыһахтары сытыаран эмтииргэ көмөлөөх буолбуттарын бэлиэтээтэ.