Бүгүн, ахсынньы 4 күнүгэр, Бырабыыталыстыба бэрэссэдээтэлин солбуйааччы Ольга Балабкина быһа эпииргэ тахсан өрөспүүбүлүкэҕэ коронавирус балаһыанньатын билиһиннэрдэ.
Ол курдук, ааспыт сууккаҕа 215 киһи дьаҥҥа сутуллубут. Ол иһигэр, Дьокуускайга 113 киһи ыалдьыбыт, оттон оройуоннарга ыалдьыы ахсаана элбээбитин туһунан Ольга Валерьевна эттэ.
Мииринэйгэ, Нерюнгригэ, Мэҥэ Хаҥаласка, Ленскэйгэ дьаҥҥа сутуллубут дьон ахсаана элбээбит. Өрөспүүбүлүкэ үрдүнэн ыалдьыбыт дьон ахсааныттан 60 % киһи үтүөрбүтүн Ольга Валерьевна брифиҥҥэ бэлиэтээтэ. Итиэннэ сүрүн болҕомтону дьаҥ кэнниттэн чөлгө түһүүгэ уурарга, маныаха Мэҥэ Хаҥалас улууһун Бэстээҕэр «Абалаах» санаторий үлэтэ үчүгэйин бэлиэтээтэ. Чөлгө түһүү үлэтэ билигин өрөспүүбүлүкэҕэ сүрүн оруолу ылар.
Ульяна Захарова, «Саха сирэ» хаһыат, edersaas.ru
СИА хаартыската.
+1
+1
+1
+1
+1
+1
+1