Ааспыт сыл бүтүүтэ Саха Өрөспүүбүлүкэтигэр коронавирус дьаҥын утары 3 тыһыынчаттан тахса вакцина аҕалыллыбыта. Олунньуга диэри 69,5 тыһыынча вакцина кэлэрэ күүтүллэр. «Гам-Ковид-Вак» вакцина бастакы баартыйата, 42 доза, балаҕан ыйыгар кэлбитэ. Бастакынан быһыыны быраастар уонна миэдиктэр ылбыттара.
«Вакцинация – бу коронавирус дьаҥын утары охсуһар сүрүн күүһүнэн буолар. Билигин быһыыны бастакынан дьаҥы утары охсуһууга үлэлиир миэдиктэр ылабыт«, — диэн Дьокуускай куорат 1-кы нүөмэрдээх поликлиникатын педиатра Туйаара Алексеева этэр.
Таатта улууһун киин балыыһатын педиатр-бырааһа Мария Гоголева: «Вакцинаны ыллахпына бэйэбин эрэ буолбакка, чугас дьоммун, пациеннары ыарыыттан харыстыыбын. Онон пандемияны утары үлэҕэ бэйэм кыра да буоллар кылааппын киллэриэм», — диэн санаатын үллэстэр.
Онтон Дьокуускай куорат Мэдиссиинискэй киинин бырааһа Владимир Никаноров кини кэллиэгэлэрэ быһыыны ылан баран, билигин доруобуйалара этэҥҥэлэрин туһунан кэпсээтэ.
Сиһилии https://minzdrav.sakha.gov.ru/news/front/view/id/3255794 ссылканан киирэн ааҕыҥ.
СӨ Доруобуйа харыстабылын министиэристибэтин пресс-сулууспата