Бэлиитикэ

Хааччахтыыр миэрэлэр тустарынан

Бүгүн, 2021 сыл ыам ыйын 15 күнүгэр, Ил Дархан Айсен Николаев өрөспүүбүлүкэҕэ СОVID — 19 бохсор,  коронавируһунан хааччахтыыр миэрэлэр тустарынан ыйаахтарга саҥа көннөрүүлэгэ илии баттаата. Ону таһынан саҥа хааччахтыыр миэрэлэри киллэрдэ.

Ол курдук, саҥа дьаһаллар каникул эрэ кэмигэр буолбакка, хаһан баҕарар оҕолор кэлиилэрин-барыыларын таарыйда.  Бу дьаһал Дьокуускай куорат уонна кэккэ оройуоннар  үөрэнээччилэрин тэйиччиттэн олорон үөрэххэ көһөрүүнү кытары ситимнээх. Ол эбэтэр, үөрэнээччилэр үөрэх дьыла бүтэ илигинэ  улууска тахсалларыгар ананар.  Өскөтө оҕо олорор сириттэн атын муниципальнай оройуоҥҥа эбэтэр куорат уокуругар бардаҕына, төрөппүт ол туһунан олохтоох дьаһалтаҕа биллэрэрэ ирдэнэр. Куорат уонна тыа сирин нэһилиэктэрин баһылыктара кэлэр оҕолору учуокка ылыахтаахтар. Кэлбит күннэриттэн икки нэдиэлэ устатыгар миэдиктэр профилактическай кэтээн көрүүнү ыытыахтаахтар.

Коронавируһунан ыалдьар оҕо ахсаана күн аайы элбии турарынан уонна оҕолор социальнай ырааҕы сатаан тутуспаттарынан сибээстээн  оҕо оонньуур хосторун, оҕону аралдьытар кииннэр үлэлэрэ 2021 сыл ыам ыйын 31 күнүгэр тохтоон турар. Саҥа хааччахтар аралдьытар кииннэргэ киллэрилиннилэр. Ол курдук, рестораннарга, кафеларга, остолобуойдарга, буфеттарга, баардарга уо.д.а общественнай аһылык тэрилтэлэригэр ыам ыйын 31 күнүгэр диэри дискотекалар уонна да атын аралдьытар тэрээһиннэр, ол иһигэр артыыстар кыттыылаах тэрээһиннэр, музыкальнай оборудованиелары, инструменнары туһаныы тохтотулунна. Үҥкүүлүүр, кальяны тардар, караоке ыллыыр бобулунна. Онуоха общественнай аһылык тэрилтэлэригэр эрдэ киллэриллибит хааччахтыыр миэрэлэргэ остуоллары тэйиччи туруоруу, ону тэҥэ дезинфекциялыыр миэрэлэр ирдэбиллэрэ тутуһуллаллар. Банкет саалалара 06:00-22:00 чааска диэри үлэ бириэмэтин тутуһан үлэлииллэр, ахсаан 50 киһиттэн элбэҕэ суох буолуохтаах, остуоллар бэйэ бэйэлэриттэн 1,5 м ыраах туруохтаахтар, биир остуолга элбээбитэ 10 киһи олоруохтаах.

Хат дьахталлар ортолоругар коронавирус ыарыыта элбээбитинэн  сибээстээн, 22 уонна онтон элбэх нэдиэлэлээх хат дьахталлары үлэ биэрээччилэрэ тэйиччиттэн олорон үлэҕэ көһөрөллөрүгэр сүбэлэнэр.

СӨ сиригэр- уотугар үлэ биэрээччилэр административнай, үлэлиир сирдэргэ (үлэһиттэр да, атын да сирэйдэр) маасканы кэтии режимин тутуһууну хааччыйар эбээһинэстээхтэр. Хантаактаах сирдэри барытын 2- 4 чаас аайы дезинфекциялыыллара ирдэнэр.

Ону тэҥэ олорор сиргэ бүгэн олоруу эбэтэр баахта ньыматынан үлэҕэ бараары изоляцияны тутуһуу  хайысхатыгар, араарыы ирдэбиллэрэ бигэргэннилэр. Коронавирус утары быһыыны ылбыт эбэтэр саҥа коронавируснай инфекциянан (СOVID- 19) ыалдьан баран үтүөрбүттэриттэн алта ый ааһа илик буоллаҕына олорор сиргэ бүгэн олоруу уонна баахта ньыматынан үлэҕэ барарга изоляцияны тутуһартан босхолоноллор.

СӨ Ил Дархана Айсен Николаев саҥа Ыйааҕын тиэкистэрин кытта сиһилии бу сигэлэринэн билсиэххэ сөп:

— Указ Главы Республики Саха (Якутия) «О внесении изменений в Указ Главы Республики Саха (Якутия) от 1 июля 2020 г. № 1293 «О режиме повышенной готовности на территории Республики Саха (Якутия) и мерах по противодействию распространению новой коронавирусной инфекции (COVID-19)» от 15 мая 2021 года № 1854;

—  Указ Главы Республики Саха (Якутия) «О внесении изменений в Указ Главы Республики Саха (Якутия) от 1 июля 2020 г. № 1294 «О продлении действия мер по обеспечению санитарно-эпидемиологического благополучия населения в Республике Саха (Якутия) в связи с распространением новой коронавирусной инфекции (COVID-19)» от 15 мая 2021 года № 1855;

— Указ Главы Республики Саха (Якутия) «О внесении изменений в Указ Главы Республики Саха (Якутия) от 27 апреля 2020 г. № 1143 «Об утверждении правил поведения, обязательных для исполнения гражданами и организациями при введении режима повышенной готовности в связи с угрозой распространения новой коронавирусной инфекции (COVID-19) на территории Республики Саха (Якутия)» от 15 мая 2021 года № 1856.

0
0