Коронавирус сыстыганнаах дьаҥа өрөспүүбүлүкэ бары хоту улуустарыгар тарҕанна.
edersaas.ru
Аҕыйах ахсааннаах хотугу норуоттар бырааптарын көмүскүүр боломуочунай Лена Иванова СИА-ҕа иһитиннэрбитинэн, хотугу улуустарга коронавирус тарҕаныытын балаһыанньата бырабыыталыстыба хонтуруолугар турар.
— Быйыл сайын дьиэ кэргэн бырааһынньыктара, норуот күүлэйдэрэ буола сылдьыбыт түбэлтэлэрэ баара. Билигин оннук тэрээһини ыытыы бобулаах, кытаанахтык хонтуруоллуубут. Быйылгы сүрүн суолталаах бырааһынньыктары көһөрбүппүт. Ол курдук, Аҕыйах ахсааннаах хотугу норуоттар ассоциацияларын 30 сыллаах үбүлүөйүн, эбээн норуотун чулуу киһитэ, уопсастыбаннай диэйэтэл, суруйааччы Андрей Кривошапкин үбүлүөйдээх 80 сааһын кыайан бэлиэтээбэтибит. Биһиги атын эрэгиэйэннэр балаһыанньаларын билсэ олоробут. Кинилэргэ да, эмиэ биһиги курдук, уустук кэм бүрүүкээн турар, — диэн санаатын үллэһиннэ Лена Степанова.
Елена ПОТОЦКАЯ, «Саха сирэ» хаһыат, edersaas.ru
Хаартыска: интэриниэттэн