Коронавирус үһүс долгуна кэлиэ дуо?

Бөлөххө киир:

Доруобуйа харыстабылын аан дойдутааҕы тэрилтэтин (ВОЗ) бэрэстэбиитэлэ Дэвид Набарро интервьютугар коронавирус үһүс долгуна кэлиэн сөбүн туһунан сэрэттэ. Бу туһунан РИА саайт иһитиннэрэр.

Набарро этэринэн, Европа дойдулара дьаҥ иккис долгунун сатаан бохсубатахтар. «Коронавирус бастакы долгунун кэнниттэн сайыҥҥы ыйдарга ыарыыны кытта сатаан охсуспатылар. Онон кинилэргэ билигин иккис долгун буола турар. Маныаха сөптөөх инфраструктураны бэлэмнээбэтэхтэринэ, кэлэр сыл саҕаланыытыгар үһүс долгун саҕаланыаҕа», — диэн бэрэстэбиитэл иһитиннэрбит.

«Илиҥҥи Азияҕа ыарыы ахсаанын аччатан баран да миэрэлэри сымнаппатахтара. Онон бу дойдуларга дьаҥ арыый хонтуруолланар», — диэн Набарро эбэн эппит.

ВОЗ бэрэстэбиитэлин иһитиннэриитин Роспотребнадзор эпидемиологияҕа салаатыгар дириэктэри солбуйааччы Вадим Покровскай: «Эпидемиологияҕа «өрө туруу» уонна «долгун» диэн өйдөбүл суох, ыарыы ахсаана элбээбитин эрэ туһунан этиэххэ сөп. Набарро этэринэн, дьаҥ күһүн да, саас да, итиэннэ кыһын эмиэ өрө туруон сөп. Ол эрээри, коронавирус бу кэмҥэ ОРВИ атын көрүҥнэрин таһымын кытта тэҥнэһиэн сөп. Кэлэр сылга дьон вакцина ылан, аан дойду коронавирус ыарыытын туһунан умнар ини дии саныыбын», — диэн быһаарбыт.

edersaas.ru

Хаартыска — pravda.com

+1
0
+1
0
+1
0
+1
0
+1
0
+1
0
+1
0