Коронавируснай инфекцияҕа сыһыаннаах суһал төлөпүөн нүөмэрэ уларыйда. Билигин доруобуйа харыстабылын министиэристибэтин суһал линията 122 диэн кылгас нүөмэринэн үлэлиир.
Бу 122 нүөмэр хас да хайысхалаах:
- 1 диэн кунуопканы баттаатахха, 3-с №-дээх Дьокуускай куораттааҕы балыыһа колл-киинигэр тиийэҕин.
- 2 диэн кунуопканы баттаатахха – социальнай көмүскэл боппуруостарынан операторы кытары сибээстэһэҕин.
- 3 диэн кунуопканы баттаатахха – волонтерскай көмө уонна психологическай өйөбүл операторын кытары кэпсэтэҕин.
- 4 диэн кунуопканы баттаатахха – доруобуйа харыстабылын, ол иһигэр коронавирус туһунан боппуруостарга сыһыаннаах колл-кииҥҥэ эрийэн тиийэҕин.
Манна 112 уонна 122 кылгас нүөмэрдэри бутуйумуохха наада. 112 диэн “Суһал көмөҕө” уонна да атын суһал сулууспаларга эрийэн тиийэр нүөмэр.
Урут коронавирус боппуруоһунан 8-800-100-14-03 нүөмэринэн эрийиэххэ сөп этэ, билигин бу нүөмэргэ Саха сирин булгуччулаах мэдиссиинэ страховкатын пуондата үлэлиир.
Ангелина Васильева, «Саха сирэ» хаһыат, edersaas.ru
Хаартыска:
+1
+1
+1
+1
+1
+1
+1