Коронавирус кэнниттэн Уһук Илин куораттара сайдыыларын дьүүллэһэр онлайн-форум ыытыллыаҕа
Читаҕа муус устар 1-2 күннэригэр ыытыллар «ProДФО-Забайкальский край» онлайн-форумҥа куораттааҕы эйгэни сайыннарыы туһунан кэпсэтиэхтэрэ.
Маннык хабааннаах «ProДФО-Республика Саха (Якутия)» диэн бастакы онлайн-форум кулун тутар 16 күнүгэр ыытыллыбыта. Манна 11 тыһыынчаттан тахса киһи кыттыыны ылбыта. Бу форумҥа урбаан, креативнай экэниэмикэ, айти-индустрия, вакцинация туһунан кэпсэппиттэрэ.
«ProДФО-Забайкальский край» онлайн-форумҥа уопсастыбаннай тэриллиилэр, урбаан, иһитиннэрэр-биллэрэр эйгэ бэрэстэбиитэллэрэ, архитектордар уонна тутуу хампаанньалара Уһук Илин эрэгийиэннэрин куораттааҕы эйгэтин сайыннарыы туһунан кэпсэтиэхтэрэ, бырайыактар олоххо киирэллэригэр пандемия туох кыһалҕалары үөскэппитин дьүүллэһиэхтэрэ.
Бу форумҥа Уһук Илин уонна Арктика сайдыытыгар миниистир Алексей Чекунов, биэс губернатор уонна сүүрбэттэн тахса эрэгийиэннээҕи спикер кыттара былааннанар.
Тэрээһин кэмигэр В.К. Арсеньев аатынан «Уһук Илин» литератунай бириэмийэ мунньаҕа ыытыллыаҕа. Манна модератордарынан бириэмийэ куратора Вячеслав Коновалов, «Русский Гулливер» кыһа салайааччыта Вадим Месяц буолуохтара.
Форумҥа баҕалаахтар кыттыһыаххытын сөп: https://www.google.com/amp/s/primamedia.ru/news/amp/1078120/
Форум муус устар 1 күнүгэр 11:00 чаастан саҕаланыаҕа.