Коронавирус сыстыганнаах дьаҥа бастаан, кулун тутарга тарҕанарыгар, үгүс дьон «сайын итийдэҕинэ, вирус тарҕаныыта биллэ аҕыйыаҕа» диэн эрэммитэ, туолбата.
Өҥүрүк куйааска ыарыы тохтуохтааҕар, өссө элбээбит курдуга. Күһүн тымныы салгыҥҥа, сыстыганнаах дьаҥ эбии күүһүрбүккэ дылы буолла. Онон коронавирус сылаастан да, тымныыттан да тутулуга суоҕа дакаастанна. Бу туһунан Роспотребнадзор эпидемиологияны чинчийэр киинин дириэктэрин клинико-аналитическай үлэҕэ солбуйар Наталья Пшеничная «Вирусология күннэрэ» норуоттар икки ардыларынааҕы пуорумҥа иһитиннэрдэ.
Онон вирус күн-дьыл туругуттан тутулуга суох, дьыл бары кэмигэр кимиэхэ баҕарар сыстыан сөп. Онон быыһыыр-сэрэтэр ньыма биир — киһи мустар сиригэр хайаан да мааскалаах уонна бэрчээккэлээх сылдьыы — бүгүҥҥү күн ирдэбилэ.
Елена Потоцкая
+1
+1
+1
+1
+1
+1
+1