Национальнай мэдиссиинэ киинин генеральнай дириэктэрэ Николай Лугинов инстаграмҥа быһа эпииргэ тахсан, коронавирус эпидемията хаһан өрө туруон сөбүн туһунан сабаҕалааһынын иһитиннэрдэ:
«Дьокуускайга коронавирус эпидемиятын өрө туруутун чыпчаала ыам ыйын бүтүүтэ буолуон сөп. Этэҥҥэ буоллаҕына, дьаҥ сайын эбэтэр күһүн ааһыан сөп», — диэтэ.
Бэлиэтээн этэр буоллахха, коронавирус дьаҥар хаптарар киһи ахсаана Арассыыйаҕа элбээн иһэр. Муус устар 18 күнүгэр бу сыыппара 4785 тэҥнэстэ. Саха сиринээҕи Роспотребнадзор бырабылыанньата иһитиннэрбитинэн, бүгүҥҥү күҥҥэ өрөспүүбүлүкэ үрдүнэн сыыппара 88 тэҥнэстэ. Дьокуускайга — 27, Алдаҥҥа — 40, Ленскэйгэ — 5, Горнайга -2, Бүлүүгэ — 2, Мииринэйгэ — 1.
88 киһиттэн 16 киһи үтүөрбүт. 61 киһи стационарга эмтэниини ааһар. Маны сэргэ, 11 киһи ААУо «Газпром» Ноябрьскай бөһүөлэгэр эмтэниини ааһаллар.
Ульяна Захарова
+1
+1
+1
+1
+1
+1
+1