Коронавирус дьаҥа тарҕаныытын сэрэтэр хааччахтааһын миэрэлэрэ уһатылыннылар
Ил Дархан Айсен Николаев бүгүн, тохсунньу 14 күнүгэр, таһаарбыт ыйааҕыгар олоҕуран, 2021 сыллааҕы биир кэлим календарнай былааҥҥа киирбит физкултуурунай-чэбдигирдэр уонна спортивнай-маассабай тэрээһиннэр ыытыллыахтарын сөбүн туһунан этиллэр. Ол гынан баран, тэрээһиннэр көрөөччүтэ суох ыытыллыахтаахтар.
Тэрээһини ыытыы усулуобуйатын Роспотребнадзору уонна Суһал ыстаабы кытары сөбүлэһиллиэхтээх.
Маны таһынан, ыйаахха олоҕуран култуура дьиэлэрин, култуурунай-сынньалаҥ тэрилтэлэр, айар устуудьуйалар үлэлэрэ көҥүллэннэ.
Санитарнай-эпидемиологическай туругунан сибээстээн, хааччахтааһын миэрэлэрэ олунньу 15 күнүгэр диэри уһатылыннылар.
Ыйаах туһунан сиһилии манна көрүҥ:
СӨ Ил Дарханын уонна Бырабыыталыстыбатын пресс-сулууспата
+1
+1
+1
+1
+1
+1
+1