Коронавируснай инфекцияҕа сыһыаннаах суһал төлөпүөн нүөмэрэ уларыйан, аны, «122» нүөмэринэн үлэлиир.
Бу иннинэ өрөспүүбүлүкэ олохтоохторо Covid-19 боппуруостарынан 8-800-100-14-03 нүөмэргэ эрийэн сүбэ-ама ылаллара. Билигин СӨ Доруобуйа харыстабылын министиэристибэтин суһал линията «122» диэнинэн үлэлиирин туһунан тустаах министиэристибэ пресс-сулууспата иһитиннэрэр.
Оттон 8-800-100-14-03 билигин СӨ булгуччулаах мэдиссиинэ страховкатын пуондатын контакт-киинин нүөмэрэ.
«122» нүөмэр хайысхалардаах:
- «1» диэн кунуопканы баттаатаххына, Дьокуускай куораттааҕы 3-с №-дээх балыыһа колл-киинигэр тиийэҕин;
- «2» диэн кунуопканы баттаатаххына, нэһилиэнньэ социальнай көмүскэллээх буолуутун боппуруостарынан операторы кытары сибээстэһэҕин;
- «3» диэн кунуопканы баттаатаххына, волонтердар көмөлөрүгэр уонна психологическай өйөбүл операторыгар сибээскэ тахсаҕын;
- «4» диэн кунуопканы баттаатаххына, доруобуйа харыстабылын, ол иһигэр Covid-19 боппуруостарынан колл-кииҥҥэ эрийэн кэпсэтэҕин.
СӨ Доруобуйа харыстабылын министиэристибэтэ дьону-сэргэни «122» уонна «112» нүөмэрдэри бутуйбаккытыгар, эрийэргитигэр болҕомтолоох буоларгытыгар сүбэлиир. «112» — суһал көмөнү ыҥырарга уонна атын суһал сулууспаларга эрийэн тиийэр нүөмэр.
+1
+1
+1
+1
+1
+1
+1