Аан дойдуга коронавирус дьаҥыгар ылларбыт дьон ахсаана 2,8 мөл. таҕыста. Ол туһунан ыарыы хаамыытын хара маҥнайгыттан кэтээн көрөр Джон Хопкинс аатынан университет иһитиннэрэр.
Коронавирус инфекциятынан сутуллубуттар ахсааннара, бэҕэһээҥҥинэн 2 мөл. 812 тыһ. 557-ҕэ тиийбит. Ыалдьыбыт дьон үс гыммыт биирэ, о.э. 905 333 сутуллубут киһи — АХШ олохтоохторо. Ыарыы тарҕаныытынан иккис кэрискэҕэ — Испания (219 764), онтон Италия (192 994), Франция (159 952) уонна Германия (154 999) тахсаллар.
Дьаҥ саҕаламмыт сирэ — Кытай өрөспүүбүлүкэтэ тохсус кэрискэҕэ (83 899), Арассыыйа онуска (68 622) турар.
Университет дааннайдарынан, аан дойдуга COVID-19 ыарыыттан өлбүт дьон уопсай ахсаана 197 162. Ордук элбэх киһи Америка Холбоһуктаах Штатыгар өлбүт — 51 949 киһи. Италияҕа 25 969 киһи, Испания 22 524 киһи бу ыарыыттан өлбүттэр.
Бэлэмнээтэ Егор Карпов
Хаартыска https://www.rosbalt.ru
+1
+1
+1
+1
+1
+1
+1