Коронавирус дьаҥа тарҕаныытынан, Арассыыйа аан дойдуга бэһис миэстэҕэ таҕыста.
edersaas.ru
Бүтэһик көрдөрүүлэринэн, дойдуга 177 тыһыынчаттан тахса киһи саҥа дьаҥҥа ылларбыт. Аан дойду үрдүнэн саамай элбэх ыалдьыбыттаах дойдунан АХШ буолар, онно 1 мөлүйүөн 200 тыһыынча киһи сутуллубут. Ордук эмсэҕэлээбит дойдуларга Великобритания, Италия, уонна Испания киирсэллэр. Ыам ыйын 6 күнүгэр Германияҕа уонна Францияҕа ыалдьыбыт дьон ахсаана биһиги дойдубутунааҕар элбэх этэ. Бэҕэһээҥҥи күн туругунан Арассыыйаҕа 11231 саҥа ыалдьыбыт дьон биллибитэ.
Бүтэһик чахчынан, Арассыыйаҕа 23,8 тыһыынча киһи үтүөрбүт (2436 ааспыт сууккаҕа), 1625 киһи өлбүт (88 —ааспыт сууккаҕа).
Егор Карпов, «Саха сирэ» хаһыат, edersaas.ru
Хаартыска Интерфакс
+1
+1
+1
+1
+1
+1
+1