Балаҕан ыйын 25 күнүнээҕи туругунан, өрөспүүбүлүкэҕэ 79 киһи коронавируһунан ыалдьыбыта билиннэ. Ол туһунан өрөспүүбүлүкэтээҕи суһал ыстаап салайааччытын солбуйааччы Ольга Балабкина иһитиннэрдэ.
Ол иһигэр, Дьокуускайга – 40, Мииринэйгэ – 7, Тааттаҕа – 6, Алдаҥҥа, Хаҥаласка, Мэҥэ Хаҥаласка, Үөһээ Бүлүүгэ – 4-түү, Орто Халымаҕа, Чурапчыга – 3-түү, Бүлүүгэ, Эдьигээҥҥэ – 2-лии киһи ыарыйда.
Биир киһи тыына быһынна. Бу коронавирустан өлбүт дьон бары кэриэтэ олохсуйбут ыарыылаах, 65-тэн аҕам саастаах дьон. Онон Ольга Балабкина өссө төгүл аҕам саастаах дьону харыстыырга ыҥырда.
Суукка иһигэр 4000 кэриҥэ анаалыс оҥоһуллубут. Дьаҥ туруоҕуттан барыта 463 тыһыынча анаалыс оҥоһуллубут.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн