СӨ Доруобуйа харыстабылын миниистирэ Елена Борисова брифиҥҥэ бүгүн, от ыйын 14 күнүгэр, өрөспүүбүлүкэ үрдүнэн эбии 103 киһи коронавирустаабытын иһитиннэрдэ.
Саамай элбэх киһи Дьокуускайга ыалдьыбыта бэлиэтэнэр. Өрөспүүбүлүкэ киин куоратыгар кэнники хонукка 54 киһи коронавируска сутуллубут. Өймөкөөҥҥө, Алдаҥҥа — биэстии, Нерюнгригэ, Хаҥаласка — түөртүү, Мэҥэ Хаҥаласка, Аллараа Халымаҕа үстүү киһи ыалдьыбыта ыйыллар. Эдьигээҥҥэ, Үөһээ Халымаҕа, Мииринэйгэ, Өлөөҥҥө, Горнайга, Чурапчыга, Сунтаарга, Уус Алдаҥҥа — иккилии, Амма, Үөһээ Бүлүү, Бүлүү, Нам, Таатта, Уус Маайа, Өлүөхүмэ, Ньурба, Орто Халыма оройуоннарыгар биирдии киһи коронавирустаабыта быһаарыллыбыт.
Өрөспүүбүлүкэ лабораторияларыгар биир хонук иһигэр уопсайа 2 408 анаалыс оҥоһуллубут.
+1
+1
+1
+1
+1
+1
+1