Балаҕан ыйын 15 күнүгэр Арассыыйаҕа COVID-19 ыарыы саҕаланыаҕыттан 1,068 мөл. киһи ыалдьыбыта чахчыламмыт. Ыарыыттан өрүттүбэтэх дьон ахсаана 18 635 (ааспыт сууккаҕа 57 киһи). Үтүөрбүт дьон ахсаана 878 тыһыынчаттан тахсыбыт.
edersaas.ru
Джонс Хопкинс университетын чахчыларынан, аан дойдуга билигин 29,1 мөл. киһи сутуллубута биллэр. Олортон 925 тыһыынча киһи өлбүт.
Ыарыы тарҕаныытын тэтиминэн маҥнайгы миэстэҕэ АХШ хаалар, бу дойдуга бэҕэһээҥҥи көрдөрүүнэн 6,5 мөл. кэриҥэ киһи ыарыыга хаптарбыт. Ыалдьыбыт дьон ахсаанынан Индия иккис миэстэҕэ (4,8 мөл.), Бразилия — үһүс (4,3 мөл.) тураллар.
Егор Карпов, «Саха сирэ» хаһыат, edersaas.ru
+1
+1
+1
+1
+1
+1
+1