Коронавирус Арассыыйаҕа: балыыһаҕа киирии элбээбит, сутуллуу уопсай ахсаана кыччаабыт

Олунньу 24 күнүгэр Арассыыйаҕа COVID-19 диагнозтаах 14 937 киһи балыыһаҕа киирбит, бу ол иннинээҕи күн көрдөрүүтүттэн 73% бырыһыанынан үрдүк (8632).

Арассыыйа үрдүнэн 123 460 коронавируска сутуллуу түгэнэ чахчыламмыт, бу көрдөрүү ыарыы намтааһынын көрдөрөр. Тохсунньу 30 күнүттэн саамай намыһах бэлиэтэммит сыыппара.
Ыарыы тарҕаныытын лидерынан билигин даҕаны Санкт Петербург буолар. Манна  күннээҕи эбиллии 7572 ыарыһах. Оттон Москва уон куһаҕан көрдөрүүлээх эрэгийиэннэр алын биэтэктэригэр түспүт – киин куоракка сутуллубут дьон ахсаана 3333 тэҥнэспит.

5 ордук куһаҕан көрдөрүүлээх эрэгийиэннэр:

Санкт Петербург – 7572;
Новосибирскай уобалас — 4796;
Красноярскай кыраай — 4759;
Свердловскай уобалас — 4544;
Самарскай уобалас — 4218.

Роспотребнадзор дааннайдарынан, ыарыы сүрүн көбүтээччитинэн омикрон-штамм буолбут. Олунньу 17 күнүттэн 22 күнүгэр диэри ылыллыбыт 8242 анаалыс уопсай түмүгүнэн 77,5% «омикроҥҥа», 21,8% — «дельтаҕа», уонна 0,7% — COVID-19 атын штаммнарыгар сөп түбэспит.

«Саха сирэ» хаһыат, edersaas.ru

Хаартыска sakha.gov.ru