COVID-19 ыарыы туруоҕуттан, ВОЗ этэринэн аан дойду үрдүнэн 2,7 мөл. киһи өлбүт. Субуотаҕа тахсыбыт чахчыларынан, ыарыыга сыстыбыт дьон ахсаана 125 мөл. киһиттэн тахсыбыт.
edersaas.ru
Муҥутуур элбэх коронавирус сүһүрүүлээх дойдунан АХШ хаалар буолар. Бу дойдуга 30,1 мөл. ыарыһах бэлиэтэммит. Иккис Бразилия (12,4 мөл.), үһүс Индия (11,9 мөл. киһи), төрдүс Франция (4,5 мөл. киһи), алтыс миэстэҕэ Великобритания (4,3 мөл. киһи) тураллар.
Ааспыт нэдиэлэ түмүгүнэн, Арассыыйаҕа пандемия саҕаланыаҕыттан уопсайа 4,4 мөл. киһи коронавирустаабыт. Кэнники үс күҥҥэ дойдуга ыарыы ахсаана сууккаҕа 9000 түгэнтэн намыһах таһымы көрдөрөр.
Оттон кулун тутар 23 күнүгэр вакцина маҥнайгы түһүмэҕин ааспыт Арассыыйа бэрэсидьиэнэ Владимир Путин туох да улахан сыыстарыыта суох, туруга үчүгэйин, үлэлии сылдьарын туһунан бэҕэһээ бэрэсидьиэн пресс-сэкирэтээрэ Дмитрий Песков биллэрбитэ.
«Саха сирэ» хаһыат, edersaas.ru
Хаартыска: BlankMap-World.svg/ wikimedia.org